الحالة والحال
اكثر الهم
والناس غاديا زربانة
جري عليا نجري عليك
ؤ لعقول غضبانة
دفنوا القناعة
المعقول ارجع بالضمانة
الوالدين ارماوهم
اولادهم فدار الحضانة
زمان الحرية
المراة فيه تمشي عريانة
لا حيى لا حشمة
صبحات موضة ؤ هي سكرانة
فالبيت فالخدمة فالزنقة ديما زعفانة
ؤ بنت الاصل
مخبعة ف بيتها حشمانة
حامدة الله قانعة شبعانة
عصر السرعة
كثرات فيه الخيانة
الزواق اعمى القوم
كولشي ارجع بالصيانة
الراجل
يا حصرة
ايقات فيه غير السمية
كلن فلان ارجع افلانة
ب لحناني امطلس
هو اللي ارجع يحتافل ب شعبانة
لا صلاة لا صيام
الشكوى ليك يا مولانا
لغتصاب
رجعات ليه ف ابلادنا مكانة
فين اهل الدين
واش كلهم سكناتهم شيطانة
الفتوى
صبحات من خروجها خربانة
كلها ؤ لوغتو مع قشرة بنانة
اصحاب السياسة اطغاو
ؤصبحو فنانة
كلها ؤ عزفوا
ما بقات ارزانة
الواد انشف
لقلوب جافة عطشانة
خضرة حمرة
رايتنا ديما امعانا
يكفى من الفساد
ترجع ابلادنا مزيانة
شعارنا ما نبدلوه
والنشيد ف اعناقنا أمانة
بقلم
محمد لمراحلي
فاس
تعليقات
إرسال تعليق